8081 0 - 3 Fortune

琴晚係星酷既足總盃四強戰﹝好似好勁﹞，我地好運地打入四強。

出陣陣容有：正選如下﹝排名不分先後﹞
成
肥丸
力王
詩路
詩路細佬
李嗚
阿維個friend

CP，大口，Alan同阿維打後備。場波實情都冇乜好講，輸體能，又輸技術。加上個場又比一般的大，走死人。上半場力保不失，下半場終於守唔住。今場好明顯係唔夠快，唉，所以8081唔參加比賽可能都係岩既。唯有踢下friedly算啦。

我同阿強阿煇都間唔中去觀塘同阿宙班友踢，所以都算keep得好少少。頂，本身係阿宙班friends中踢得出神入化的我一出去同D高班波踢即刻唔掂，都話嫁啦，一山還有一山高呀。

屌！開波前CP打比我！搵我咪又係要我幫佢拎衫，真係互勵互勉咩，就算係都講句：NO THANKS！

WDKLM

Arsenal 4-4 Tottenham Hotspur

很難過的說，阿記今年好難拎聯賽第一。自賣走法明尼及希比等中場，路斯基又傷，個中場得法比加斯一個係有創造能力的，拿斯利可能都算但入會時間尚早，應該可以再踢好D。要玩地面波，但而家班友整體黎講波底差左好難再用同一招喇，除非轉型！伊保，和確七呢D浄係識帶波爆入去，D傳波又唔準又唔穏定。桑治，單尼遜同迪阿比都算防守型，佢地都不善進攻。阿記打進攻足球？喂，前鋒呢？雲佩斯其實真係好野，有技術有腳頭，但感覺上係孤掌難嗚左D，唔通真係要靠多哥球王咩？球王唔係太差我始終認為，但以佢既料子黎講做球王，係囉，咁我都可以係粉嶺球王或者沙頭角球王啦。賓特拿可以比多D佢踢，但又係無奈，佢同球王踢法同位置感都好相似，感覺上佢都幾臭馬的！原來呢場波冇出托尼，出左斯維斯逹，唔怪得比人追返4-4啦，我頂！(我冇睇場波，但我對斯維斯逹有偏見！)

如果法比加斯都走埋就唔使爭了。

8081

8081合照，呢個隊名應該係梁超諗的。事實上我覺得呢個名唔錯的，但改名時有隊友反對8081呢個名。好似係阿維，嗯。

可能從呢個名會得知我地大部人都係出生於80或81，而家就話26或27歲姐，過多幾年就比人話老仲踢乜波丫?!隨住年齡既增長,踢波頻率越來越少，其實唔單係體能問題，仲要有心去踢先得既。真係你比錢我呀!嗚!!

上年係星酷玩既聯賽成績唔錯，好似第六?唔肯定，但因為個大會實在太廢了，安排差到離譜，今年8081已放棄參加。

呢個我不嬲算最有HEART果幾個喇，唔好話傷之前，傷左我都間唔中有去踢，唔使講咩朋友唔朋友既，真係想第日行得走得? 咁咪轉營打羽毛球或者去多D沙灘囉。