大浪灣後記

上個星期六跟姐夫阿偉去大浪灣一日遊。太概十點出發，一向甚少開車去港島的我，由於阿偉住藍田，大浪灣近南區東面，所以決定用東隧。果然不出所料，當然又係唔識路。姐夫呢個導航還不如不導。結果問人之下終於行岩左，要行大潭道跟住轉石澳路。

南區同其他區好唔同，密度唔高之餘仲加上環境規劃得好，好似有種地靈人傑既感覺。去到海邊風景當然靚，見到D背山面海既豪宅時，都不禁同姐夫講句，「我明白點解女人要搵有錢佬啦，我原諒左佢地」。但沒有你贏了世界又如何，二億豪宅都需要位楊棦女主人先完美，題外話姐。

原來呢個大浪灣真係好Q大浪的，跟本唔適合游水，玩滑板就差唔多。頂，原來我地D英文水平真低，問姐夫同阿偉滑水英文係咩大家都唔肯定，WATER SKIIING先岩呀大學生！

古人云：欺山莫欺水呀！今次我又食左兩啖海水，唔好以為識游水就大晒，D浪大到跟本足以另你一沉不起，游太出會好容易被卷出去，唔。上次打風呢度有人照玩浪結果命都玩完，何必呢？一直HEA到差不多四點幾，我地離開大浪灣了。

7點鐘約左阿宙觀塘踢波，中間仲有少少時間，去左篤波。跟住踢到9點幾。其實我都係挨住踢，原因係上兩個星期踢波時被人撞傷左邊腰未復完，「做人真係要識留，你都想第日行得走得，去下旅行」，SORRY，我一向都好少留，一係唔落場，呢個習慣多年不曾改過。

跟住高潮黎啦，又黎大鬧四方城，呢個馬拉松式既假期真係仲辛苦過返工。打到第二日8點。最後有小小不歡而散，文潮條不佳又因輸錢而不顧別人感受，硬要打多四圈，阿宙好無奈咁比返三百佢佢先肯唔打放人，三百蚊咋？真係咁很重要？我挑。

最後開車返上水時姐夫煩過乜，係咁激勵我怕我訓著，咪玩啦，我呢D賽車手。

星期日全日訓教，又冇感情既動物，但我夜晚自己去左粉嶺再游，問你死未。

話時話，20世紀少年唔錯播。