吾爾開希﹝男定女？﹞

最近好多六四既新聞﹝或者叫舊聞﹞，都會見到呢條友，吾爾開希。呢條友聽講現定居台北，有家庭有事業，睇似都係已經淡出政治了。咁每年逢六四香港台灣都會有悼念會，都會牽起一連串話題，以當年既學生領袖黎講吾爾開希當然係必然被訪問對象之一。

琴日係火車廂內螢光幕見到佢，佢講左好多睇法，但態度好明顯係溫和左，內容大致係“批評代表關心”，正當我留心聽佢UP乜既同時，點知聽到兩位年約三十既女士既對話如下：

女士A：「嘩，佢以前係個靚仔黎嫁，你睇下而家？」
女士B：「好肥呀，影響晒個形象呀，好心唔好播出黎啦。」

諗落真係幾搞鬼，六四係乜又如何，死幾多人又關你咩事？不如諗下今晚D電視劇或者去邊度吃飯好過啦。唔好話教育下一代，好多而家呢一代都唔係好知六四係D乜。但靠政府去教育咪又係o徒氣，考完試乜都唔記得啦！DKLM！